千方百計只求"騙"
有日，有間公司寄左張類似郵局的通知咭去我屋企，說明有物件收 (看圖)，張咭有"物件編號"、"日期"及"地址"，但冇收件人；並列明 7 日內打電話去 25412811，否則物件會退回...
在好奇心驅使下，我使用133無來電顯示打電話去張咭上電話25412811，對方在回應時一直都冇表明身份，只一味說有郵件收 ，並不斷想套取我的個人資料（電話同身份証號碼）；話係派件用，當然我死都唔俾啦！佢大聲夾惡串到死 , 話要對個人資料 ，強調要電話同身份証號碼 !!
最後，我無理佢收線 !!上網一查，發現真係有問題 !! 25412811 應該係收數或放數公司 !!
原來呢隻通知咭卡係呢半年愈見愈多， 除左白色，仲有綠色，同香港郵政嘅郵遞通知咭好似樣，但就比較細；不過，問題是就算郵差都無權唔派，因為寄呢張卡嘅人或公司應該係俾左郵費 !!
千萬提醒家人，特別是定中老人及小孩要小心及不要胡亂回不明的電話!
讀者來稿分享
